ما هو سند الصرف؟

إيه الفرق بين سند الصرف والفاتورة؟

الفاتورة بتثبت إن في عملية بيع أو شراء حصلت (استحقاق)، وسند الصرف بيثبت إن الفلوس اتدفعت فعلاً (حركة نقدية). ممكن يكون عندك فاتورة مورد لسه متدفعتش — سند الصرف بيطلع لما تدفعها.

لازم توقيع أو اعتماد على سند الصرف؟

أيوه، الاعتماد بيحمي فلوسك — بيثبت مين وافق على الصرف قبل ما يخرج. ده جزء أساسي من الرقابة الداخلية على الفلوس.

سند الصرف بيأثر على حساباتي إزاي؟

بيقلل رصيد الخزينة أو البنك، وحسب سبب الصرف بيسجل مصروف أو بيقلل مديونية مورد — والقيد بيترحل تلقائي في نظام محاسبي كويس.

الدفعة اتدفعت بأكتر من طريقة — أسجلها سندين؟

لا. في زمام بتختار «دفع مختلط» وتكتب كل طريقة بخزينتها ومبلغها — جزء كاش من الدرج وجزء إنستاباي على البنك مثلا — والإجمالي بيطلع لوحده. النظام بيعتبرهم دفعة واحدة: التخصيص على الفواتير بيتوزع عليهم، والتأكيد والإلغاء بيشتغلوا على الدفعة كلها مع بعض. متاح في التحصيل والدفع للموردين والمرتجعات والمصاريف والإيرادات وسندات المالك والشركاء — ما عدا التحويل بين الخزائن وعهدة الموظف النقدية.

قسط الجمعية أو القرض يتسجل مصروف؟

لأ، وده من أكتر الأغلاط اللي بتشوه الأرباح. القسط فلوس رايحة وهترجع، فبيتسجل على حساب الجمعية أو القرض نفسه بسند «دفع على حساب»، والدور أو مبلغ القرض بيتسجل بسند «قبض على حساب». الاتنين مالهمش أي تأثير على الربح ولا على نصيب الشركاء.